Xunta de Galicia Voluntariado Dixital

Inicio > A Rede > Novas
Pantallazo de "Dosispedia"

Unha aplicación galega axuda aos sanitarios a prescribir medicamentos aos cativos

Versión para impresiónSend by email
Santiago, 18/12/14 (09:03)

Tras chamar a atención da nosa comunidades con varias aplicacións centradas na lingua galega, dende Smart GalApps sorprenderon presentando Imos?, unha aplicación móbil de pagamento que funciona a xeito de guía social de Galicia e que conseguiu certa sona por facilitar a localización de furanchos, e agora sorprenden cun novo produto aínda máis específico: DosisPedia, unha aplicación móbil para médicos pediatras.

Esta nova ferramenta deseñada e desenvolvida por Smart GalApps ofrécese de balde grazas ao financiamento do Colexio Oficial de Médicos de Lugo, e pretende facilitar o día a día dos especialistas médicos que atenden aos máis cativos (pediatras, médicos de familia, médicos de urxencias, dentistas, dermatólogos...) xa que incorpora un completo número de medicamentos dispoñibles no mercado, dos que se facilita a dose que hai que subministrar ao pequeno en función do seu peso.

A aplicación ten un uso moi sinxelo, que consiste en elixir o grupo de fármacos sobre o que desexamos información, podemos elixir un dos medicamentos listados ou localizar un mediante o buscador integrado, e logo consultar as indicacións de cada medicamento en función do peso que podemos marcar cunha barra horizontal.

Estamos ante unha aplicación moi áxil e efectiva, á vez que fiable, xa que para a súa elaboración contouse co Equipo de Pediatría do Hospital da Costa. Neste momento está dispoñible para Android, e en poucas semanas estará tamén dispoñible para iPhone, e espera ser de grande utilidade para os profesionais da saúde.
 

Tema: Xeral
Fonte: Código Cero
Xunta de Galicia
© Xunta de Galicia. Información mantida e publicada na internet pola Xunta de Galicia
Atención á cidadanía | Accesibilidade | Aviso Legal | Mapa do portal