Xunta de Galicia Voluntariado Dixital

Inicio > A Rede > Novas
Xurado III Edición Premios Discapnet

O xurado dos Premios Discapnet da Fundación ONCE decide os galardoados da súa III Edición

Versión para impresiónSend by email
Santiago, 21/05/15 (12:06)

O xurado dos Premios Discapnet da Fundación ONCE, encabezado polo vicepresidente executivo de Fundación ONCE, Alberto Durán, seleccionou aos sete finalistas que optarán aos galardóns nas dúas categorías convocadas.

Na categoría á accesibilidade TIC, os proxectos @STIC de Aspaym, Doutor TEA de Fundación Orange, Lazzus de NeoSenTec e 'Domótica aplicada a persoas con discapacidade' optan ao premio á mellor iniciativa, proxecto, produto ou servizo TIC para a mellora da calidade de vida das persoas con discapacidade.

Co proxecto @STIC trata de que os trámites coa administración dixital sexan máis accesibles, pois dispón dunha ferramenta que facilita o acceso de persoas con discapacidade, maiores e outros colectivos aos trámites en liña (www.tramitesaccesibles.aspaym.org).

Pola súa banda, Doutor TEA facilita as visitas médicas das persoas con autismo ao desenvolver, xunto cos centros hospitalarios, un sitio web que a través de debuxos animados, vídeos, pictogramas, etc., ofrece aos usuarios información sobre as prácticas médicas máis frecuentes (www.doctortea.org).

O terceiro finalista é o proxecto Lazzus que consiste no desenvolvemento dunha aplicación que aproveita as características técnicas das Google Glass e de dispositivos móbiles (GPS), compás, etc. para ofrecer información ás persoas cegas sobre a contorna que as rodea, simulando un campo de visión real (www.lazzus.com).

Nesta categoría, tamén resultou finalista o 'Proxecto de domótica aplicado a persoas con discapacidade', posto en marcha por CAM Irmás Hospitalarias do Sagrado Corazón de Jesús.

No apartado que recoñece á persoa, empresa, entidade ou organización que destacou polo seu labor en materia de mellora da accesibilidade TIC os finalistas son AENOR, Dow Madrid e CESyA.

No caso de Dow Madrid destácase que en 1999 iniciou o proxecto TIC, orientado á xeración de tecnoloxía para persoas con discapacidade intelectual, ao desenvolvemento de investigación sobre tecnoloxía e discapacidade e á formación deste colectivo no uso das Tecnoloxías da Información e Comunicación.

Respecto da Asociación Española de Normalización e Certificación (AENOR), foi seleccionada por tratarse da entidade responsable do desenvolvemento e difusión das normas técnicas en España. Aenor promoveu o desenvolvemento das normas de accesibilidade TIC, mediante comités integrados por expertos de todas as partes implicadas (administracións públicas, universidades, asociacións, empresas, etc.). Ademais, conta cun amplo catálogo de normas relacionadas coa accesibilidade TIC.

Por último o Centro Español de Subtitulado e Audiodescripción (CeSyA), valorouse por ocuparse de proporcionar, definir, impulsar e promover a accesibilidade aos medios, os produtos e as situacións nas que interveñan elementos audiovisuais para persoas con discapacidade sensorial, mediante servizos e dispositivos accesibles a través do subtitulado e a audiodescripción.

Como novidade para esta terceira edición dos Premios Discapnet, que se farán entrega no marco do Congreso Internacional de Turismo e Tecnoloxía para todas as persoas nos próximos os días 23,24 e 25 de setembro en Madrid, distinguirase a mellor iniciativa, proxecto, produto ou servizo, baseado en tecnoloxías da información e a comunicación (TIC), que fomente a autonomía persoal ou a mellora da calidade de vida das persoas maiores dependentes.

Ademais, o xurado dos Premios Discapnet realizou unha selección de compañías que destacan por contemplar a accesibilidade nalgúns dos seus produtos e servizos para que sexan as persoas usuarias das tecnoloxías quen decidan que organización se fixo máis acredora de recibir o premio. O proceso de votación abrirase o próximo 1 de xuño e finalizará o 31 de agosto, sendo as empresas seleccionadas Adobe, Amazon, Apple, eBay, Google, Microsoft, Olympus, Orange, Panasonic, PayPal, Samsung, Telefónica, Twitter, e Vodafone.

O xurado do premio, cuxa presidencia de honra ostenta a Raíña Letizia, contou con representantes, entre outras entidades, do Ministerio de Sanidade, Servizos Sociais e Igualdade, Universidade Politécnica de Catalunya, CERMI, Accenture, Fundación SERES, ILUNION, Asociación Española de Fundacións, Talgo, Renfe, Repsol, Ceapat, Defensor do Pobo, AMETIC, CIDAT, Bankinter, e a Confederación Española de Organizacións de maiores.

 

Fundación ONCE e Discapnet

O obxectivo principal da Fundación ONCE consiste na realización de programas de integración laboral -formación e emprego para persoas con discapacidade- e de accesibilidade universal, promovendo a creación de contornas, produtos e servizos globalmente accesibles.

No seu afán por satisfacer as necesidades de información sobre as persoas con discapacidade, Fundación ONCE creou e sustenta, desde o ano 2000, o portal Discapnet, que se consolidou como o sitio web de referencia para o sector da discapacidade en España e en todo o mundo de fala hispana.

Discapnet proporciona un acceso fácil e rápido ás informacións relevantes para as persoas con discapacidade e a súa contorna, fomentando a súa participación activa na sociedade da información. O portal incorpora tamén contidos e servizos dirixidos a persoas maiores, persoas en situación de dependencia e outros colectivos afíns.

Tema: Xeral
Fonte: discapnet
Xunta de Galicia
© Xunta de Galicia. Información mantida e publicada na internet pola Xunta de Galicia
Atención á cidadanía | Accesibilidade | Aviso Legal | Mapa do portal