Microsoft anuncia a dispoñibilidade a partir desta semana dunha liña telefónica de soporte técnico en español para os usuarios dos seus produtos Windows e Office con algún tipo de discapacidade ou que teñan calquera consulta relacionada coa accesibilidade destes produtos.
O soporte, que se prestará a través do teléfono 902 000 002, centrarase na resolución de incidencias relacionadas coa accesibilidade de Windows e Office. O servizo estará dispoñible de luns a venres de 8.00 a 17.00 e será gratuíto; as persoas que fagan uso do soporte telefónico só terán que pagar o custo da chamada.
O servizo de atención telefónica para persoas con discapacidade funcionaba desde hai uns meses en inglés; o español é o segundo idioma que se inclúe neste servizo do que poderán beneficiarse todas as persoas con algunha discapacidade, como a visual ou auditiva, que utilizan Windows e Office xunto con tecnoloxías como lectores de pantalla ou sistemas de recoñecemento de voz, propias ou de terceiros. Nunha seguinte fase está previsto engadir soporte técnico en español a través dun servizo de chat online.
En España, preto de catro millóns de persoas teñen algún tipo de discapacidade, segundo datos do INE. Delas, case tres millóns (o 7% da poboación española) teñen dificultades para realizar actividades básicas na súa vida diaria, incluíndo o uso de computadores. Desde fai máis de vinte anos, Microsoft incorporou nas diferentes versións dos seus produtos máis utilizados (Windows e Office) diferentes funcionalidades de accesibilidade que permiten que persoas con discapacidade poidan utilizar un computador. Este desenvolvemento tecnolóxico realízase baixo a premisa de que as funcionalidades de accesibilidade sexan flexibles para adaptarse con facilidade ás necesidades visuais, motrices, auditivas, de linguaxe ou de aprendizaxe de todos os usuarios, independentemente das súas capacidades funcionais.
Entre as Tecnoloxías de Accesibilidade para persoas con discapacidade que Microsoft incorporou aos seus produtos atópanse:
Ademais, Microsoft colabora con numerosas empresas fabricantes de hardware e software en todo o mundo que desenvolven aplicacións, axudas técnicas, periféricos e dispositivos accesibles que funcionan en Windows.
Rexístrate como: